Чойжин Ламын Сүм Музeйн Гадна Орчны Гэрэлтүүлгийг Шинэчлэх Төсөл Амжилттай Хэрэгжлээ.
2026 оны 11-р сарын 3
Монголын түүх, соёл, шашин, уран барилгын хосгүй үнэт өв болох сүм музейн гадна орчны гэрэлтүүлгийг шинэчлэх төслийн ажлыг хүлээн авах, гэрэл асаах ёслол боллоо.
Гэрэлтүүлэг төсөл хэрэгжсэнээр түүхэн барилгын архитектурын өвөрмөц шийдэл, уран нарийн хийц, чимэглэл, орон зайн зохиомжийг тодотгон илэрхийлэх, соёлын өвийг шинэ өнцгөөс нээн харуулах, Улаанбаатар хотын үдшийн өнгө төрхөд үнэ цэн нэмэх, соёлын аялал жуулчлалыг нэмэгдүүлэх, олон нийтийн оролцоотой, хүртээмжтэй музeйг бүтээхэд олон талын ач холбогдолтой юм.
Энэхүү төслийн хэрэгжилт нь хувийн хэвшил, бизнeсийн байгууллага татварын нэг хувийн хөнгөлөлтийн хүрээнд соёлын салбарыг дэмжсэн бодит ажлын тод жишээ болж буйгаараа онцлог юм.
Энэхүү эрхэм үйлсийг дэмжиж, төслийг амжилттай хэрэгжүүлэхэд үнэтэй хувь нэмэр оруулсан байгууллага, хамтрагч, дэмжигч та бүхэндээ музейн хамт олны зүгээс чин сэтгэлийн талархал илэрхийлье.
ТӨСЛИЙГ ДЭМЖИЖ, ХАМТРАН АЖИЛЛАСАН ТАЛУУД
🔹 М-Си-Эс Групп – Ерөнхийлөгч Ж.Од, хамт олон
🔹 “Ашид Капитал” ХХК – Удирдлага, хамт олон
🔹 Бүгд Найрамдах Итали Улсаас Монгол Улсад суугаа Онц бөгөөд Бүрэн эрхт Элчин сайд Жованна Пиккаррета
🔹 iGuzzini брэнд – Гүйцэтгэх захирал Кристиано Вентурини, хамт олон
🔹 Аззура Холдинг
🔹 Монголын Урлагийн Зөвлөл
🔹 Төслийг санаачилсан Монголын Үндэсний музeйн захирал Д. Отгонсүрэн, Чойжин Ламын Сүм Музейн хамт олон.